Mwili wa Faru Fausta kuhifadhiwa

Waziri wa Maliasili na Utalii, Hamis Kigwangala amesema serikali inakusudia kuukausha na kuutunza mwili wa faru Fausta kwenye jumba la makumbusho eneo la Hifadhi ya Ngorongoro.

Faru Fausta amekufa akiwa na umri wa miaka 57 na inaaminika ndiye faru aliyekufa akiwa na umri mkubwa zaidi duniani.

“Tunakusudia kumkausha na kuutunza mwili wake kwenye Jumba la Makumbusho pale eneo la Hifadhi ya Ngorongoro, aidha ninawapongeza sana wahifadhi wetu wa Ngorongoro kwa kazi nzuri ya kumtunza Faru Fausta, Faru wengine wengi na Hifadhi yote kwa ujumla” amesema Waziri Kigwangala.