Mshambuliaji wa Manchester United na timu ya taifa ya Ubelgiji Romelu Lukaku anang'ang'ania kuondoka United na tayari ameshanadiwa kwenye vilabu vya Juventus na Napoli. (Sun on Sunday)
Mmiliki wa Everton Farhad Moshiri anataka klabu yake iangalie uwezekano wa kumsajili mshambuliaji wa Atletico Madrid Diego Costa, 30, kama uhamisho wa kishindo msimu huu. (Mail on Sunday)
Arsenal wanamuwinda winga wa klabu ya Bournemouth na Uskochi Ryan Fraser, 25, kama mbadala endapo watashindwa kumsajili Wilfried Zaha kutoka Crystal Palace. (Sunday Mirror)
Manchester United ni Klabu pekee inayotaka kumsajili Harry Maguire, japo Leicester wanataka pauni milioni 85 kwa mchezaji huyo. (Sun on Sunday)
mapigo.com
Kipa Mjerumani Manuel Neuer, 33, anatathimini kuikacha klabu yake ya Bayern Munich katika dirirsha la usajili la majira haya ya joto, ajenti wake amefichua. (Suddeutsche Zeitung - in German)
Beki wa pembeni wa England Danny Rose, 29, ni miongoni mwa wachezaji nane ambao klabu ya Tottenham inapanga kuwauza katika dirisha hili la usajili. (Mail on Sunday)
Wakala wa kiungo wa klabu ya Lazio Sergej Milinkovic-Savic' yupo jijini London kwa mazungumzo na wawakilishi wa Manchester United juu ya uwezekano wa uhamisho wa mchezaji huyo wa kimataifa wa Serbia mwenye miaka 24. (Sport Mediaset - in Italian)
Beki wa kati wa Bournemouth na Uholanzi Nathan Ake,24, sasa anawindwa na Manchester City kwa dau la pauni milioni 40. City wanamtaka mchezaji huyo kama mbadala wa Harry Maguire anayeonekana kama anaelekea Man United. (Sunday Mirror)
mapigo.com
Mshambuliaji wa Ghana Jordan Ayew, 27, anatarajiwa kujiunga na Crystal Palace akitokea Swansea kwa dau la takribani pauni milioni 2.5 punde tu baada ya kuisha mashindano ya Kombe la Mataifa ya Afrika.
Bournemouth wameridhia kumsajili beki wa pembeni wa klabu ya Luton Town Jack Stacey, 23, kwa pauni milioni 4.
No comments:
Post a Comment