Maxim Dadashev alipigwa vibaya na Subriel Matias Ijumaa
Bondia raia wa Urusi Maxim Dadashev ameaga dunia baada ya pambano lake na Subriel Matias kumsababishia majeraha makubwa ya ubongo.
Dadashev mwenye miaka 28, alishindwa kutembea mwenyewe baada ya pambano hilo ambalo mkufunzi wake Buddy McGirt alilazimisha lisimamishwe katika raundi ya 11 baada ya bondia huyo kupokea kichapo kikali bila majibu.
Pambano hilo lilipigwa Ijumaa wiki iliyopita. Na punde tu baada ya pambano Dadashev alikimbizwa hospitali.
Madaktari waligundua kuwa damu ilikuwa ikimvuja kwenye ubongo na kufanyiwa upasuaji wa haraka, lakini akafikwa na umauti jana Jumanne.
- Pacquiao ashinda ubingwa wa dunia akiwa na umri wa miaka 40
- Tetesi za Soka Ulaya Jumatano 24.07.2019
- Zidane: Gareth Bale 'anakaribia' kuondoka
Shirikisho la ndondi la Urusi limesema tayari uchunguzi umeshafuguliwa juu ya mkasa huo.
Katibu Mkuu wa shirikisho hilo, Umar Kremlev amedai kuwa kulikuwa na "aina fulani ya uvunjwaji wa taratibu", na kuongeza kuwa: "Tumempoteza Maxim Dadashev. Ilikuwa ni nyota yetu inayochipua.
"Tutaiunga mkono familia yake, ikiwemo kifedha. Tutakamilisha uchunguzi wa kuangalia mzaingira ya pambano, tunahitaji kujua ukweli wa kilichotokea.
"Hili linaweza kutokea kwenye mchezo wowote. Naamini kuna mapungufu ya kibinadamu yamechangia, kulikuwa na aina fulani ya uvunjwaji wa taratibu."
Dadashev ambaye alikuwa akifanya shughuli zake za masumbwi nchini Marekani alishinda mapambano yake yote 13 aliyoyacheza kabla.
Ijumaa alipambana na Matias kutoka Puerto Rico katika jimbo la Maryland ambapo alisukumiwa makonde mazito na kwa kasi kali.
Mkufunzi wa Dadashev, Bw McGirt alieleza baada ya pambano kuwa "alishindwa kumshawishi" kukubali kushindwa, lakini akaamua kurusha taulo ulingoni baada ya kuona "akipigwa zaidi za zaidi kwa makonde ya wazi kadri pambano lilivyokuwa likiendelea."
No comments:
Post a Comment